Македонски центар за меѓународна соработка

Законот за здруженија и фондации е еден од најважните закони за граѓанското општество во Македонија. Тој  е основниот закон што ја регулира работата на граѓанските организации.  МЦМС е посветен на подобрување на правната рамка за граѓанското општество од 1995 година и учествуваше во работната група на Министерството за правда која даде значаен придонес во подготовката на текстот на новиот закон.

Заради тоа, МЦМС пристапи кон подготовка на мислење за предлог-законот. Целта на мислењето е оценка на предлог-законот како и одредување на потребите за подобрување.

Предлогот за донесување на Законот за здруженија и фондации (ЗЗФ) со предлог-закон е во процедура во Собранието на Република Македонија. По Законот за здруженија на граѓани и фондации од 1998 година и измените во 2007 година, се пристапува кон донесување нов закон, поради опфатот на измените, вклучувајќи но не исклучиво и воведувањето на статус на организација од јавен интерес.

Мислењето за предлог-Законот за здруженија и фондации содржи воведни информации за слободата на здружување во Република Македонија и усогласеноста на предлог-законот со меѓународни конвенции и најдобри практики, како и општа оценка на предлог-законот, која е проследена со преглед на очекуваните подобрувања од предлог-законот. Последниот дел се однесува на потребните измени кои што е неопходно да бидат направени во овој предлог закон.

Мислењето содржи седум прилози што можете да ги видите на линковите подолу. Прилогот 3 е мислење на Европскиот центар за непрофитно право (ЕЦНЛ), прилогот 4 содржи сумирани коментари и предлог амандмани од други граѓански  организации.

Мислењето е подготвено од Сашо Клековски и Емина Нурединоска од МЦМС и доставено до Министерството за правда, релевантните комисии во Собранието на РМ и граѓанските организации.

•   Мислење на МЦМС за предлог-законот за здруженија и фондации
  •   Прилог 1 Преглед на МЦМС предлог за амандмани
  •   Прилог 2 Преглед на мислења и амандмани на МЦМС по членови
  •   Табеларен преглед на мислења за предлог ЗЗФ
  •   Прилог 3 Коментари на ЕЦНЛ на предлог ЗЗФ
  •   Прилог 4 Сумирани коментари на ЗЗФ од други организации
  •   Прилог 5 Применета методологија во МЦМС оценката на законот
  •   Прилог 6 Граѓанските организации и политичките партии
  •   Прилог 7 Јавниот интерес и граѓанските организации

Други релевантни документи поврзани со предлог-Законот за здруженија и фондации:

•   Дополнет предлог на Законот за здруженија и фондации
•   Стенографски белешки по предлог-ЗЗФ на седница на Собранието на РМ
•   Извештај од Јавната расправа на Националниот совет за евроинтеграции по предлог-ЗЗФ
•   Предлог заклучоци од Јавната расправа на Националниот совет за евроинтеграции по предлог-ЗЗФ

• Financimi i organizatave qytetare nga ana e shtetit
• Анализа на спроведувањето на Охридскиот рамковен договор (ОРД)
• Спроведување на Стратегијата за соработка на Владата со граѓанскиот сектор
• Политичката мисла во граѓанското општество
• Трет состанок на ЗКК за граѓанското општество на Македонија и ЕУ